Øyvind om eitt og hitt.....

Bloggen er død, leve bloggen!

2010-04-23T20:10:00.000+01:00

Etter nokre år er det tid for å runde av denne bloggen, men berre for å flytte den over til eit nytt og betre format. Frå no av vil du finne den her på www.oyvindhostaker.wordpress.com Så om du framleis ynskjer å få glimtvise innblikk i livet mitt er altså dette adressa.

5-4-3-2..

2010-04-20T15:38:00.000+01:00

Torunn greidde å få plass til opphald for seks månader i to koffertar! Dette er nok ein øvelse fleire av oss skulle gjort; kva treng eg eigentlig? Faktum er gjerne at det er forholdsvis lite av ting og tang, men så mykje som mulig av det som minner ein om personar,

hendingar og opplevingar. Det blir gjerne eit aldri så lite apropos når ein blir tvungen til å føreta slike vurderingar. Det viktigaste kan vise seg å bli telefonen eller Mac'en som skal syte for dagleg "live"-kontakt med familie og vener.
I dag gjekk første etappe til Oslo og laurdag ventar
Montenegro.

-- Sendt frå min iPhone :)

To gode

2010-04-10T20:22:00.002+01:00

Slit nok enno med å automatisk søkje på nettet om eg står fast i praktiske gjeremål. I dag fekk eg to handfaste stadfestingar på at det løner seg: Mats fekk krøll med giren på sykkelen og eg tenkt at sidan eg ikkje har rota med dette, så leverer eg den på sykkelverkstad og får det fixa. Men så la eg inn eit søk og vips, i bøtter og spann med detaljerte YouTube snuttar for alt og litt til. Ei lita tid med skruing og vips.

Den andre saka var at heimenettverket har ein tendens til å vere ustabilt. Eg har tenkt på at det må vere sjølve ruteren som må skiftast, og tenkte å sende ei melding til leverandøren. Dei hadde ei nyttig lenke som viste til eit program som analyserte den trålause trafikken i området, og dermed kunne avdekke om der var konflikter. Og det var det jo.... Berre å velge ein anna kanal på ruteren og vips.

Botemiddel?

2010-04-10T17:17:00.001+01:00

Måtte ein tur på Viefjellet for å kontrollere kor langt våren var komen. Det var for so vidt ikkje så langt men det vart ein flott start på sesongen like vel. Når eg hadde hatt meg ein god dusj og var klar til å lage ein kopp kaffi dukka denne medisinen opp, diskret plassert ved kaffitraktaren. Veit ikkje kven som har rekvirert den eller skrive den ut, men eg reknar med det er eg som er pasienten. Difor hiv eg innpå 4-5 av dei heller store tablettane, og virka dei ikkje til i morgon, ja så er det Nonsnipa ;)

P.S. Etter nokre timar har forklaringa dukka opp; Hybelveninna til Frida har vore på bytur og fått tak i tablettane til ho. Dei er altså mynta på den bratte bakken opp til hybelen på Sandane.
Då er eg spendt på virkninga sidan eg jo allereie har hive innpå nokre...

Varer jula heilt til påske?

2010-04-03T20:43:00.001+01:00

Etter eit par dagar hos svigermor kom vi heim til eit heller miserabelt pepparkakehus. Dei heimeverande hadde forbarma seg over ein attgløymd deig som låg i kjøleskapet, og bygd huset. Det er ein del andre ting som heller ikkje ser ut til å vare heilt til påske i år. I fjellet har det blitt lagra so lite mykje snø at det nok ikkje blir noko topptursesong i det heile. Ser ut til at vi får ta til takke med det som har vore, og får vere glade for ein pinnekjøtmiddag no i påska...

Shantaram

2010-03-31T19:56:00.001+01:00

Å opne ein roman for første gong og vite at det ligg mange timar, tankar og opplevingar framfor, merkar eg er noko heilt spesielt. Ei god bok ynskjer ein skal vare og vare.
Denne romanen er påska sitt akkompagnement. Nesten 1000 sider og for at den skal vare ekstra lenge les eg på engelsk. Etter dei første 20 sidene merkar eg fasinasjonen, takkar den som gav meg tipset, koplar på iPod'en og legg på reise. God påske!

-- Sendt frå min iPhone :)

Hukommelse

2010-03-21T16:39:00.002Z

Laurdag var det seminar med Oddbjørn By og hans fasinerande briljering med hukommelse og memorering. Det interessante er jo at dette i stor grad er noko som er tilgjengelig for dei aller fleste om vi tek i bruk forholdsvis enkle metodar. Ei anna påminning i same retning fekk eg frå Frida. På vidaregåande hadde dei i oppgåve å peike på enkelthendingar i oppveksten som hadde vore viktige. Ei av Frida sine var ei hending med at vi fekk ei geit! i innflyttingspresang når vi flytta i nytt hus, ho var då 4 år. Ho hugsa svært godt ei rekke hendingar med geita og lurte på om det var eit halvt år eller berre ein sommar vi hadde hatt den. Det rette er at vi hadde den i 14 dagar. Det seier noko om at små enkelthendingar kan rydde seg stor plass i minnet. Viktig å legge oss på minne...

Så enkelt at....

2010-03-17T17:57:00.000Z

Sidan det ikkje er all verdens tid igjen før eg må greie meg sjølv på kjøkkenet ei heil stund hiv eg meg over gode og enkle tips. I dag var svigermor på besøk og eg fekk fylgjande;

Kylligfilet, hiv på salt/pepar, surr den i margarin og hakka kvitløk, tilsett ein boks matfløyte, og vips!
Den treng å stå og småputre ein 10-15 minutt. Akkurat det du treng for å koke ris, kutte litt salat og tenne stearinlysa ;)

Ein nytteapp

2010-03-14T14:37:00.001Z

Dagens tips om app til iPhonen er denne førstehjelpsapp`en frå Snøgg. Telefonen har ein jo stort sett med seg i lomma anten ein er innomhus, utomhus, innan- eller utanlandas, og den er difor ei god hjelp i ein kritisk augneblink. Her får du kjapt opp dei viktigaste tiltaka for ulike uhell anten det er munn mot munn eller forbinding av sår. Du får også opp nødnummer anten du er innanlands eller utanlands. Og nesten det beste av alt, den er gratis å laste ned.
Søkeord: Snøgg- førstehjelpsviseren

Everyday looper

2010-03-11T17:19:00.001Z

Ein dag heime i sjukeseng, eller rettare sagt sjukestol, har resultert i litt snoking etter dippeduttar. Kom over denne som ikkje er mindre enn genial for alle som driv litt med musikk. Everyday looper er vel å merke ein app til iPhone eller iPod, men er nesten grunn nok til å ansaffe seg ein slik.
Meir omtale finn du her>

Tilfeldig?

2010-03-03T17:23:00.000Z

I dag dumpa det ned eit reisestipend til Montenegro. Det kan vel neppe seiast at det er heilt tilfeldig at eg har søkt ei reise akkurat dit, men etterkvart som eg har "lest meg opp" ser eg at landet har mykje svært spennande å utforske. Sidan dette blir destinasjonen for fleire turar og lengre opphald no i sommarhalvåret er det greit å ha fått ei "greie" å halde på med. Er mellom anna spent på kvifor eit heilt land har fått namn etter svarte fjell. Studierapporten vil hovudsaklig bli utforma som ein blogg i wordpress og skal for håpenlegvis bli ei samling nyttig stoff både for folkehøgskular og privatpersonar.

Teknisk facinasjon

2010-03-02T17:13:00.002Z

Under fjellfestivalen var utstyr og dippedutt- faktoren rimelig høg. Men det meste var jo av ein fasinerande karakter. Mellom anna denne; der ein som var med på topturen til "Hest" filma returen med hjelmkamera og la opptaket inn med GPS registrering i eit interaktivt kart.

Filming av returen frå "Hest"

Snøblogg 3

2010-02-27T20:13:00.007Z

Ego i ein lukkeleg augneblink.

Foto: Bjørnar Bjørhusdal "Fri flyt"

Laurdag vart nok ein dag! Fekk topptur med eit nedrenn som nok match'ar det meste. Turist i eige fylke var ein som ymta frampå til meg, og eg måtte innrømme at han hadde heilt rett. Dette er ei oppvisning i kortreiste opplevingar! Svoger Kjell Olav og eg fekk æra av å avrundet siste programkvelden i Sognahallen. NRK var snart ute med opptaket og du finn det mot slutten her>

-- Sendt frå min iPhone :)

Snøblogg 2

2010-02-26T17:05:00.003Z

Topptur mot "Hest" i dag. Alt upåklagelig. 30 puddersnø, nesten blå himmel og eit par kuldegrader. Vi var 8 på turen medrekna filmfotograf frå "Fjellfestivalen" og fotograf frå "Fri flyt" så dokumenteringa overler eg til dei.
Video kjem på fjellfestivalen sine sider her>
Bilda havna nok omsider ca her>
Og jammen dukka den opp på NRK her

Brattkøyring i morgon ;)

-- Sendt frå min iPhone :)

Snøblogg 1

2010-02-25T22:54:00.000Z

Ankomst Sogndal og klar til topptur fredag. Ein kjapp tur innom Sognahallen avdekka

eit virkelig flott arrangement. Campingplass, sportsbutikk og scene der Kjell Olav og eg skal dra eit par låtar laurdag. I det heile ei flott ramme der ting ligg på plass.
-- Sendt frå min iPhone :)

Lærekøyring

2010-02-24T19:52:00.001Z

Vi er tydeligvis inne i ein stim der stadig nye familie- medlemer kvalifiserar seg for å gå i gang med lærekøyring...

Endelig!

2010-02-20T20:05:00.000Z

I dag dukka dette tilbodet opp på facebooksida. Det er jo nesten så det er for godt til å vere sant :)

Kilo og timepris

2010-02-16T19:41:00.001Z

Ved dagens anskaffelse av litt litteratur merka eg ein viss divergens i kilopris og dermed minuttpris som leseopplevinga tek. Den tjukkaste boka, på over 700 sider er på engelsk, under halve prisen av den heller slunkne "Gjennom Montenegro på ski". Men eg trur likevel eg veit kva for ei som blir viktigast for framtida og det er ikkje alt som skal målast i mest mulig for minst mulig ;)

Til menn på dagen

2010-02-14T19:48:00.007Z

Dagen i dag har jo vore historisk i forhold til forvendtningar om at vi menn må ta eit tak også innomhus. Eg har i så måte gjort mitt og deler gjerne eit nyoppdaga redskap. Det er snakk om noko som faktisk tilsvarar den legandariske 5-56 som vi jo har brukt nokre liter av opp gjennom åra til bil, sykkel, dørlåsar, plenklippar, skibindingar, barnevogner, paraplytriller, stortrommepedalar, m.m.m.m.m Den klassike Zalo`en er komen på ei hendig sprayflaske gutar! Her er det berre å spraye på og vaske av, alt frå benkar til koppar og kar. Den er faktisk so praktisk at eg vurderar å ha den som fast vedheng i baklomma!

Dobbel moro

2010-02-12T13:24:00.001Z

24.-28.februar har eg meldt meg på Fjellsport- festivalen i Sogndal. Dei annonserer med bratt moro noko eg jo ikkje har deslag imot. Når svoger Kjell Olav så vart spurd om å delta med song på eit par av afterski arrangementa, og når han igjen spurde meg om å akkompagnere, ja så ligg dette rett og slett an til å bli veldig moro.
www.oyvindhostaker.blogspot.com

Arbeidsro?

2010-02-09T12:04:00.002Z

Skulle tru at med lærarar og elevar på utanlandstur burde roen senke seg over arbeidsdagen, og ein kunne få gjort både eit og hitt. Men det er nokre forstyrrande element...

Nøkkel i box

2010-02-03T15:30:00.002Z

Vekas helt er utvilsomt "Bildeler" i Førde som kjapt skaffa til veie ny nøkkel i til skiboksen. Etter tips frå Tom Andre om å bruke fiskebolleboks som vedheng for å sikre det heile mot gjentaking, har eg tatt det litt vidare og brukar juicekartong! Det ser ut til å fungere veldig, einaste minuset er at nøkkelskapet nok blir for lite så det blir vel å ta i bruk loftstova.

Fritt etter "Reveenka"

2010-01-31T20:55:00.002Z

"Hei og hopp eg er så gla i dag!" " Kvifor det?" "Eg såg på laurdag at det skulle bli ein flott dag i bakken med laussnø og gode forhold" "Det var jo bra det då?" "Nja, det var ikkje så bra heller. Eg skulle køyre skulen sin buss oppover og i omlessinga miste eg nøkkelen til skiboksen i snøen og kunne ikkje finne den igjen" "Det var jo leit det då?" "Å det var ikkje så leit heller eg hadde jo kort veg for å hente reservenøkkelen" "Å det var jo bra det då?" "Nja det var ikkje so bra heller for eg kunne ikkje finne den og måtte køyre i skibakken uten ski og stavar" "Huff, det var jo leit det då?" "Ikkje so leit heller for i skibakken møtte eg Knut som hadde eit par ski og stavar å låne meg så eg fekk ein flott dag i bakken." "Det var jo bra det då?" "Nja ikkje so bra heller, for eg hadde jo ikkje funne nøkkelen" "Nei det var jo leit det?" "Nja ikkje so leit,eg skulle jo berre saumfare området der eg måtte ha mista den når eg kom tilbake, og det kunne jo ikkje vere så vanskeleg å finne" "Det var jo bra det då?" "Nja, når eg kom fram var heile plassen nyskrapa for snø...." "Aj, aj, det var no leitt det då?" "Ikkje so leitt, eg har ein kjenning som jobba i NAF og eg kunne jo kontakte han og få hjelp" "Det var no bra det då?" "Nei det var det det ikkje var for han kunne ikkje hjelpe!" "Det var no nesten ikkje ende på elende?" "Å det er no ikkje så gale, eg får no ei spennande start på veka for å sjå kor tid eg får utigjen skia..."

Smaka det so kosta det

2010-01-27T22:41:00.004Z

Når Mac`en måtte til skjermskift var det jo litt spenning knytt til kva dette ville koste. I går kom ein tlf. der den lokale handelsmannen hadde litt vanskar med å formidle kostnaden. På ein tilsvarande PC ville det ligge på 1-2000,- Mac`en kom på 7100,- ! Han lurte på om eg ville ha reperasjon til tross for prisen, eg sa; "Mac`en ska heim, koste ka det koste vil!" Ringte så TryggVesta, som har sikra seg alle forsikringane våre, la fram saka og den korte samtalen gjekk omlag slik. "Ikkje noko problem, kva er kostnaden og kva er kontonummeret ditt, ha ein god dag!" Rett og slett likande!

I same sporet?

2010-01-26T16:54:00.002Z

Kom ove ei interessant formulering i boka som for tida er følgesven; "Vi ser alltid hva som er den beste veien å følge, men vi følger likevel bare den veien vi er vant til å gå". Det er vel kanskje ikkje slik at vi alltid ser ting like tydelig, men utvilsom mykje rett i at vi har ein tendens til å berre gå vande vegar. So eg gjev oppfordringa om å trakke nokre nye spor...

Den første Mac' nedturen

2010-01-21T17:17:00.001Z

Etter månader med berre gode og lyse opplevingar etter skifte til Mac', merka eg at frykta låg der for at "ein eller annan dag kjem første nedturen". Og i dag var den eit faktum. Torunn ringte meg på jobb for å åtvare kva som møtte meg; I det ho skulle trekke ned persienna i stovevindauget løsna heile greia og nedturen var eit faktum, enden traff lokket på mac'en og laga eit merkbart krater. Ved oppstart viste det seg grafikkmønster som tidlegare har vore ukjent... Det største minuset er at lokale reperatørar ikkje så mykje som får lov å opne og sjå, den må til by'n. Men om tabbeforsikringa dekkjer noko så må det vel vere dette. Og ikkje noko er so gale at det ikkje er godt for eit kvart - nokon som blir med på ski?

-- Sendt frå min iPhone :)

Som eg skulle sagt det sjølv

2010-01-17T09:53:00.004Z

Alltid fint å komme over musikk ein ikkje heilt veit om. Denne helga var det John Mayer som ploppa opp med eit glitrande gitarspel og tekstar som er verd å låne både øyre og tankar til.

Fathers, be good to your daughters
Daughters will love like you do
Girls become lovers who turn into mothers
So mothers, be good to your daughters too

(Frå plata "Where the light is")
Køyr spotify!

Vekestart med noko attåt

2010-01-11T15:58:00.006Z

Veka starta forholdsvis brått ved at konemor entra soverommet og gav rimelig klar tilbakemeling på at eg hadde å finne bilnøkkelen. Sidan vi mista den andre nøkkelen i juleferien er jo denne nøkkelen litt avgjerande for bilbruk, men eg kom til kort i å gjere greie for kor den var blitt av etter siste køyretur søndag. Torunn måtte difor småspringe på jobb og eg fortsette leitinga ein times tid utan resultat. Eg fekk berre med meg noko mumlig i det ho gjekk om at her skal det i alle fall på plass heilt nye rutiner for å henge på plass bilnøkkelen etter bruk.

Då var eg klar for ein dusj; kaldtvatnet hadde frose.

So var det tid for å sykle til jobb. Litt kaldt i -15, men det er ikkje lenger enn at det akkurat går, bortsett frå at når eg kom heilt fram kom eg til å tenkje på om eg hadde hugsa å late inn hunden før vi gjekk, og måtte gjere endereis.

På skulen opna eg datamaskina og var om sider klar; då skin skulen si nettside (som eg har brukt ein god del tid på dei siste månadane) mot meg frå skjermen SERVER ERROR.

Eg tok tre djupe pust og tenkte so; Det er personar her i verden som har atskillig større problem og utfordringar enn meg!

Ikkje minst når utfallet vart:

Hunden hadde eg ikkje gløymt ute.

Nettsida kom tilbake i løpet av føremiddagen.

Vattenet i dusjen kom tilbake før eg var i gang med tining!

og ikkje minst

Bilnøkkelen vart funnen i ei dameveske ein person hadde med seg på jobb, sjølv om vedkomande ikkje heilt kan gjere greie for korleis den har havna der.

Veka kom i gong dåkke!

Oppsummert

2009-12-30T20:35:00.009Z

Då er det vel tid for eit aldri så lite tilbakeblikk. Mange av dei viktigaste hendingane kan jo i tilfeldig rekkefølge listast opp som linkar til nokre blogginnlegg om lag slik:
(På facebook må du først inn på www.oyvindhostaker.blogspot.com for at linkane skal virke)

Måtte det neste bli like bra, godt år!

Å gå inn i det nye

2009-12-30T20:10:00.005Z

Dei siste dagane har Sunnfjord kunne by på det beste når det gjeld vær. To dagar har vi nytt flotte skiløyper og rista liv i musklar som har lege i dvale ei stund. Med 30 - 40 cm lett snø, - 10 grader og topp preparerte løyper er det berre å gje seg over. Når utsikta til Storehesten i solnedgong også er med ser eg faktisk ikkje føre meg at det er mulig å toppe dette.
(www.oyvindhostaker.blogspot.com)

Lita tue...

2009-12-28T12:04:00.006Z

Etter ei heller vellukka julehelg på hytta (Fridabloggen) (Fredrikbloggen) var alt klart for retur. Etter utvask, returnering med pakkane utan papir, litt returmat og mykje skitnekle, sende vi ungane med eit lass til bilen på førehand. Etter at dei hadde låst inn all maten og sengekleda returnerte dei til hytta. Halvvegs tilbake oppdaga dei at nøkkelen hadde forsvunne i livleg leik i snøen. Med 20 cm nysnø og 400 m veg var sjansen lik null. Ei nål i ein høystakk ville nok skine som Davidsstjerna til samanlikning. Løysinga vart gode naboar i Førde som fekk levert reservenøkkelen på ekspressbussen. Litt forbaska kor avhengig ein av og til er av små ting...

Julefred

2009-12-24T15:34:00.001Z

Jul på hytta kan so langt sterkt anbefalast. Levande lyslykter i næraste tre, laga julepynt og hengt på ei sjølvplukka buske, sett saman kakehus + + Altso langt frå ei gamal tante av T bratt ut på tlf når ho fekk høyre kvar vi er " stakkars dåkke!", med julegudsteneste i Utvik ligg det an til alt anna. Fin julekveld!

-- Sendt frå min iPhone :)

Å bære vatten

2009-12-23T16:53:00.001Z

...og ved, og pakkar, og det meste anna. Vi er godt innstallert på hytta for ei alternativ jul. Frida og kjæresten hadde reist opp nokre timar i førevegen så det som møtte oss var oppvarma hytte og fakkelane siste meterane fram i går; nesten so ein føler at delar av oppdragelsen har lukkast.
Alt tyder på at hyttejul med litt kuldegrader og litt snø rett og slett blir minneverdig. Torunn gjekk til skogs og kom tilbake med eit fint tre, i kveld lagar vi pynt og må nok legge ut eit glimt frå resultatet på sjølve dagen. No ventar graut og litt juleverkstad, god innspurt!

-- Sendt frå min iPhone :)

Likar haldninga

2009-12-18T16:46:00.007Z

Når bilen av og til må innom verkstad likar eg å vere med inn og sjå korleis det går, og at han har det bra. Medan eg stod og holdt han i skjermen i dag fall blikket på dette oppsettet som stod på eine verktøyskapet. Då fann eg ut kvifor eg likar meg som kunde her...

21

2009-12-14T21:14:00.003Z

Talet i år er 21. Grunnen til det er at det er siste året vi har nokon på Slåtten skule. Vi har hatt 3 barn her som har gått 7 år kvar og det var i kveld difor 21-ande juleavslutninga vi var med på. Det var 21-ande skulestarten vi var med på i haust og det vert 21-ande skuleavslutninga til våren. Det har vorte ein heil del både julegraut, gløgg og nissehuer, for ikkje å snakke om foreldremøter...

Bokhandlaren i Eplehagen

2009-12-11T19:30:00.004Z

Eplehagen 14 vart i ettermiddag gjort om til ein aldri so liten bokhandel. Fredrik si diktbok vart dumpa her og då må vi jo prøve å vidaredistribuere etter beste evne. Boka får ein på følgande måtar:

e-post til Fredrik på: graasona@gmail.com
e-post til Øyvind på: hostaker@start.no
eller på Libris bokhandel,Handelshuset, Førde

Eg kan sikkert sende den ved henvendelse, kva veit eg, eg berre jobbar her ;)

Metallica

2009-12-08T14:30:00.002Z

Då er det slutt på at eg må ha hørselsvern for å sjekke posten. Billettane til metallicakonsert i april er på plass. Sjølv om dette nok ikkje er førstevalget når det gjeld musikksjanger så ser eg på det som ei "våns in a laif taim" oppleving. Mats er i alle fall rimelig klar. Eg må vel berre i gong med å lytte meg opp...

3B

2009-12-07T18:11:00.005Z

Det er vel kanskje ikkje denne spalta ein først tyr til når ein vil ha gode råd for samliv, sjølv om ein del her nok kan vere svært gode t.d. å la mannjen kjøpe mac, la han dra på skitur med gutane osv. Men i fredagens "Vårt Land" var det ein god artikkel om kjærleikens 3 B`ar. Som pedagog har eg sansen for ting som er litt enkle både å lære og å hugse, og som ikkje er for mange. Gjengir difor dei tre her med felles oppfordring om å legge dei på minne; Berøre, Bekrefte og Begeistre. Eigentig litt for lett å oppsummere at når ting ikkje er heilt på stell so manglar kanskje både ein og to av dei. So lett og likevel so vanskelig.

Jauchzet, frolocket!

2009-12-06T10:04:00.004Z

På veg til Eid for andre framføring av Bach sitt juleoratorie. Fullt hus og bra klaff når det galdt gjer nok slike prosjekt til enno større opplevingar for dei som er med enn tilhøyrarane.. Med profesjonelle musikarar som leverer notane står faktisk ein haust med øving i stil om det berre er to konsertar.

-- Sendt frå min iPhone :)

Ultimat tilbakemelding

2009-12-05T00:07:00.007Z

Fredrik son kjem heimom på ein sjeldan visitt og viser diktsamlinga han har gitt ut. Far sjølv kjem berre til første sida når følgane helsing trillar ut: "Til dåkke som gav meg vengjer" Som foreldre kan ein vel ikkje få betre tilbakemelding? Det er godt å vere foreldre når ein ser at vengjene ber.

Takk.

Fint med få ord

2009-11-23T15:02:00.003Z

Fredrikson fekk brått eit flott oppslag om diktsamlinga han er i ferd med å gje ut. Tidlegare i haust fekk han eit stipend for å gje ut dikta sine og det har resultert i eit utval på 20 av dei venene meinte skulle vere med. Korleis han har tenkt å selge den har eg lita oversikt på, og han har no aldri vore den store strategen på økonomi, men om ein sender ein epost til graasona@gmail.com vil han nok kunne ordne det.
Elles så har presentasjonen av dikta og utvelginga føregått på www.graasona.blogg.no

Utanfor strekane

2009-11-17T09:00:00.002Z

Kom over ein god kommentar som sette dagen i dag. Bildet med å ikkje fargelegge utanfor strekane merkar eg kan brukast i svært mange samanhengar. Vi blir nok ofte fortalt kvar og korleis for om trent alt vi føretek oss, og vi treng ei påminning om å våge å gjere litt meir av det vi drøymer om sjølv om det ikkje alltid er "innanfor". Så herved er utfordringa gitt vidare; våg deg ut på noko nytt, ein draum, ein liten tur utanfor strekane.

Sosiale medier?

2009-11-15T12:48:00.005Z

Kan det no vere nødvendig? Tja, ikkje so godt å seie, men eg vel no halle til at mykje av den nye måten vi omgår kvarandre på har noko føre seg. Det skal brukast med omhu men ikkje avfeiast før ein har gitt det sjanse. Denne helga har Torunn fått innføring i bloggen si verd og vil nok om ikkje lenge kunne offenleggjere litt frå sitt liv på denne måten. Vi kan jo berre vente i spenning...

Like eller ikkje like

2009-11-11T18:55:00.003Z

Kva er rett reaksjon når ein kjem heim og kona seier at ho skal reise? Ofte er det vel ein nedtur men denne gongen var det ein opptur (eller vart dette litt feil?) Uansett, det dreia seg om at Torunn i dag fekk ein jobb som sjukepleiar i Montenegro i eit halvt år. Etter sjølvoppofrande år med fantastisk tilstadeværing for mann og barn er dette ikkje mindre enn svært godt! Så får får vi sjå kva konsekvensar dette får for ferie og anna. Eg smelle difor til og trykker "lik dette" knappen, gratulerer og applauderer!

Tidtrøyte

2009-11-05T14:04:00.001Z

Når ein må nedpå litt og det blir ein del timar å slå i hel er det jo greit med litt nettsurfing. Kom over denne som jo hugar ein gamal musikklærar :)

Heftig og begeistra!

2009-11-03T16:55:00.002Z

Den store konverteringsdagen er komen. Mine dagar er talde som PC-brukar på heimefronten, i dag pakka eg ut Mac`en og lika det ser. Om dette fortset å imponere som dei første famlande timane vert nok konklusjonen; kvifor ikkje før?

Medan vi ventar....

2009-10-27T17:07:00.002Z

Sidan ein kammerat konverterte til Mac og sende over nokre små snuttar i serien "I am a Mac, I am a PC" har det irriterande treffande innhaldet surra rundt. Denne veka blir det å slå i hel ventetida med denne, som er ei samling av fleire slike små snuttar;

Gjere seg klar?

2009-10-25T12:54:00.007Z

Oppdateringa til Windows 7 er i full gong, og som skulen sin IT-mann sette eg i gong utprøvinga på eiga maskin. Resultatet vart nedslåande.

Oppdateringa resulterte i;

Ingen av programma på maskina var på plass etter oppdateringa.
Ikkje ein gong Microsoft sine eigne!
Ikkje Outlook, med e-post og oppsett (som jo er Microsoft!)
Ikkje Firefox sine bokmerker
Ikkje oppsettet for maskina på nettverket
og so vidare...

Når eg hadde tukla rundt nok og tok med meg maskina til firmaet vi brukar for reparasjon og konsultasjon, var åpningsreplikken; Vi sit og ventar på at dei første skal prøve å oppdatere til Windows 7!!

Dei fann rett nok igjen mykje og retta det opp, men det var ein jobb!

Fungerer det? Nei! Det er håplaust dårleg at ikkje eingong eigen programvare er på plass etter oppdateringa, og konklusjonen min er klar; Dette gidd eg ikkje lenger privat, eg får MacPro`en til veka. Livet er for kort til å tukle med ting som ikkje fungerar!

Og e-posten frå Microsoft om oppdateringa ser eg i ettertid må lesast som eit varsku!

P.S. Kom over denne artikkelen i VG i ettertid. Fleire med same erfaring...

Fredagssong

2009-10-23T20:11:00.003+01:00

Frida og to venniner brukte fredagen til å samle inn penger til OD-prosjektet på sin måte; Dei gjekk rundt i Førde og song mot betaling. "Firda" filma sin minikonsert og fekk ein ekstra liten snutt med sjefenshund. Flott og kreativ innsats av jentene!

Maskinservice

2009-10-20T20:10:00.005+01:00

Det passar jo aldri at vaskemaskina streikar, og i tillegg så kjem jo alle tankane om kor tungvint det er å få maskina både bringa og henta frå reparasjon. Det vart difor eit svært godt møte med einmannsfirmaet som kallar seg "Kvitevareservice". Han dukka opp etter kort tid, feilsøkte på staden, fekk bestilt deler frå Italia, kom tilbake etter nokre dagar, reparerte på staden og hadde berre behov for å få med ein kopi av garantien. Det viste seg at det berre var 14 dagar i gjen av 5 års garanti, men det helt. Det er nesten så ein ynskjer tørketrommelen skal ta kvelden til veka....
Om du bur i Sunnfjord og har behov:
Kvitevareservice 90 83 37 28 "best there is!"

Juleoratoriet

2009-10-14T22:35:00.004+01:00

Førde kammerkor saman med orkester framfører i starten av desember Bach sitt juleoratorium. Eit par hektiske månadar gjenstår før innøvinga er på plass, men det anar meg at dette skal bli flott å både vere med å framføre og å høyre på. Her er både kone og mann med, og dette gir gode felles opplevingar, i tillegg tek det jo vekk litt av fokuset på våte haustdagar.

2 tips digital

2009-10-08T18:00:00.011+01:00

Eit par tips sidan det er innetid.
Tenkte at det kanskje måtte finnast ein måte å skrive direkte ut frå mobiltelefonen til skrivaren. Søkte opp denne løysinga som fungerer veldig bra. Det heiter Printershare ,og ein må ikkje ein gong ha iPhone for det :) Må lastast ned på telefonen og på den PC/Mac som er kopla til skrivaren.
Det andre tipset er ei utviding til Firefox (dei som brukar Explorer kan sjå vekk). Dette er eit lite program der du kan kopiere det du vil frå skjermen og lagre det som ei bildefil. Programmet heiter Screengrab og er greit i mange samanhengar. Dette lastar du ned under "Verktøy" og "Utvidingar" på menylinja i Firefox.

Vassplaning - vasspegling tur - retur

2009-10-04T08:58:00.017+01:00

Etter ei veke på Kreta var det om trent som å berre ha vore ut av ei byge når vi returnerte Bergen . På veg gjekk viskarane for fullt, og på heimveg måtte farten tilpassast vassplaning.

Å gå på flyet i 30 grader for så og gå ut same døra nokre minutt seinare og konstatere 25 grader ned og rimelig mange millimeter opp fekk ein nesten til å snu døra.

Dataroaming

2009-10-03T23:52:00.006+01:00

Tilbake etter ei god og trengd veke på Kreta. I går hadde eg rigga meg godt til på det som etter kvart vart "stamtavernaen", sidan dei hadde trådlaust nett. Gledde meg til dei siste sidene i romanen "La meg synge deg stille sanger" (sterkt anbefalt!!) mot slutten av boka spelar Brahms sonate nr 3 for fiolin og klaver i d-moll, aktivt inn. Der eg sat og las, med trådlaust nett, var det difor lett å gå på Spotify, leite opp musikken og lytte, medan eg les. Når eg har site ei stund ploppar det opp ei melding frå Telenor som gjorde merksam på at sidan eg brukte "roaming" gjekk hundrelappane unna.... Eg lette opp "slå av" knappen på roaminga og trøystar meg med at eg hadde hatt ei fin oppleving... (sjølv om eg ved heimkomst ser på kontoen at det hadde sin pris)

Korte kapittel...

2009-10-01T19:38:00.000+01:00

Kanskje det har med at ein veks til eller noko anna, men eg er komen til konklusjonen at livet best blir konstruert i korte kapittel. At det ikkje er så langt mellom nye og ulike opplevingar og hendingar. Opplever at det gjer "livets bok" meir interessant og at det set kvardagane i rettare perspektiv. Eit avslutta kapittel gjev rom for å tenkje litt før ein går vidare og med korte kapittel er det alltid utsikt til neste...

-- Sendt frå min iPhone :)

Motarbeidd?

2009-09-30T14:08:00.000+01:00

Når ein inntek lunsjen på ei gresk kai snik det seg unektelig inn nokre tankar. Her sit dei eldre ute i smaua og pratar til langt på kveld, her er temperaturen 25gr og mykje vert opplevd betre enn heime. Rett nok er nok ikkje produktiviteten på høgde med Norge og normenn men det er ein del ting dei har betre tid til. Luk 12.23 legg jo fram at " Livet er meir enn maten og kroppen meir enn kleda." kanskje ein anar spor av dette?

-- Sendt frå min iPhone :)

Forsinka brullapsreise

2009-09-27T15:13:00.000+01:00

Ein tur tilbake til tzalziki og det, passa bra ut frå yr.no sine truslar for den komnade veka. Vi kom på at vi aldri har hatt bryllaupsreise so vi kalla det det. Og vart kjempenøgd med val av hotell!

-- Sendt frå min iPhone :)

Vegstikker

2009-09-25T18:27:00.003+01:00

Denne veka er området blitt pepra med vegstikker. Raude reflekskledde godt synlege markeringar som nok gjer at vi kan gå vinteren trygt i møte utan fare for å rote oss ut av råka. Men ein gjer seg unektelig nokre tankar; vi har vel dei siste åra hatt eit maks på 20cm snø, og dette blir vel nesten som Halvdan Sivertsen syng "..av og til når tegnan blir for tydlig..." Det gjeld mykje i livet, vi ynskjer ikkje at alt skal bli so tett oppmerka at det til slutt berre er "vegstikkene" igjen, og det er berre å gå den rake oppstaka vegen. Men på den andre sida; det kan jo hende vegvesenet har teke høgde for at om den nedbøra vih ar hatt siste månadane skal halde fram, men kome som snø, so er det best å vere føre var. Goe helg!

Medan vi ventar...

2009-09-19T15:45:00.006+01:00

Det vart vel eit hakk for heftig skikøyring på denne filmsnutten, men det er i ferd med å krible i beina igjen...

(eit lite trykk på bildet så får du den i fanget)

Finurlig

2009-09-16T16:53:00.003+01:00

Av og til dukkar det opp finurlige småting på nettet. I dag kom eg over denne, og sidan musikk jo er mitt fag må eg vidareformidle. Ein Brasiliansk komponist overførte fulglane sin pause på straumledningane til musikk med dette resultatet :)

Can`t buy me love...

2009-09-13T20:50:00.010+01:00

Full klaff med hyttetur i helga, til tross for langvarig dårlig vær. Søndag var himmelen igjen blå og det var duka for søndags-middagen utandørs. På Søyvastølen var det å fyre opp primusen og helle på pannekakerøra. Resultatet kunne nok vore betre, men smaken var der i alle fall. Desserten fekk eg når eg kom heim og scanna nettnyheitene; det er ikkje alt som kan kjøpast for pengar, anten det er å forsøke pannekaker på primusen på Støyvastølen, eller å bestige Kilimanjaro...

Linkar også til Frida sin blogg...

Foto: Frida

Gutetur i Kongo

2009-09-05T12:34:00.008+01:00

"Det er ikke akkurat det landet vi anbefaler for guttetur" uttalte utanriks departement denne veka om saka som pågår i Kongo. I dagens Vårt Land les eg ein artikkel med litt historisk blikk på Kongo, og eg kan ikkje nekte for at tankane dreg tilbake til guteturen vår gjennom landet i 1984. Når ein har fått det litt på avstad, og ser hendingar i for og etterkant av `80 talet, så har nok ikkje Kongo den beste ratingen. For oss vart Kongo "real Africa" med nokre av dei størst opplevingane vi fekk gjennom store delar av Afrika.
Men mykje tyder nok på at lukka var betre enn forstanden...

Always look at the bright side...

2009-09-04T21:30:00.004+01:00

Haustværet ser ut til å ha sett inn tidleg i år. Då kan det vere greit å minne kvarandre om at det ikkje alltid skal så mykje til for å lysne opp i kvardagen. Kari Gjengedal gav eit glimrande døme på det før helg. God helg!

Pole pole

2009-08-30T11:25:00.010+01:00

Morgonsamling er eit fast innslag i ein folkehøgskule-kvardag. Dette er gjerne noko til ettertanke og kanskje ein sang. Eg valde å vidareføre litt frå opningstalen om å gå i gang med ei lengre reise i lag, og brukte følgjande stikkord:

Ekspedisjonen er godt i gang, blitt litt kjent med reisefølgjet, framleis litt usikker på kor dette bær.

I fjor var eg på ein lengre tur.

Høgda gjorde at vi fekk innprenta frå start: ”POLE, POLE” , gå sakte!
Det var stikkordet for at vi skulle lukkast og nå toppen
Ikkje ta det for hardt

Har tenkt på at dette er eit godt råd elles i livet og

POLE, POLE, på folkehøgskule.
Ta med deg det som vil bli av opplevingar
Ta sjansen på nye ting!
Ikkje hast av garde
Ta deg tid til å ta det rolig!

I dag er altso oppfordringa å gå så rolig at du får med deg viktige ting for live

Det kan virke langt fram til mai, men det gå fort.
Ikkje kom til mai og sjå tilbake og angrar på det du ikkje gjorde
Dei du ikkje vart kjende med, det du ikkje gjorde, eller turte
At du rett og slett har gått for fort.

Ein tidlegare elev som no går på idrettshøgskulen skreiv eit brev etter folkehøgskuletida

(opplesing frå litt av brevet)
For han gjekk det nok litt for fort
Han vart igjen her, både eit og to år
Han har vist meg litt av verdien ved folkehøgskulen.
Heile livet bør vi vere på leit

Då er det ikkje sikkert at det ein leiter etter ligg der framme, kanskje ved sidan….

Skal det bli eit optimalt år: POLE, POLE og bruk tida godt!

Song: ”Still haven`t found” m/bilde frå maituren til "Storebjørn".

Romerike

2009-08-24T18:23:00.003+01:00

Søndag installerte Fredrik seg for 10 månadar på Romerike folkehøgskule. Det var sjølvsagt spennande, ikkje minst for oss foreldra, å møte skulen og lage seg et bilde av kva som ser ut til å bli. Vi tok avskil, reiste heimover, og måtte sende ei "Korleis ser det ut?" melding utpå kvelden. Etter nokre timar kom svaret: "Ååååå dokke ana ikkje!"
Vi kunne senke det vi måtte ha heva av skuldrar. Men etter 18 år i gamet slo vel tanken meg at Fredrik nok endelig får ane noko eg har ant i mange år...

Bad influence?

2009-08-24T18:06:00.003+01:00

Den siste tida har myndigheitene formelig overfora oss med informasjon om den pågåande influensaen. Dette har resultert i viss tiltak ved skulestart, utarbeiding av beredskapsplan, ein del økonomiske utlegg og litt bekymring. Søndagen gjekk med til ein kjapp tur til austlandet. Var innom ferjetoalett, vegkroer, bensinstasjontoalett og andre høgst offentlige stadar med stor gjennomstrøyming av både inn og utlendingar, og registrerte ikkje EIT ord om den overeksponerte influensaen. Har myndigheitene gløymt å føre på at dette kun gjeld skular?

I gong

2009-08-22T20:03:00.003+01:00

Den siste tida har vore prega av innspurt i førebuingane til nytt skuleår på folkehøgskulen. Sidan det i år fall i mitt lodd å ha ein velkomsttale, grunna eit rektorvikariat, måtte eg ty til noko kjent. Sidan det ikkje har blitt noko til overs til blogging i det siste, vert det difor ei stikkordsliste over denne talen i dag;

Det er noko eige med å stå på starten av ein lengre tur eller ekspedisjon.

· Sitring i kroppen av forventning

· Skrekkblanda fryd

· Planlegginga skal snart vise seg om ho held mål

· Om ei stund står vi der på andre sida, med dei nye opplevingane og erfaringane, litt rikare…

Likskap med fhs. året

· Mykje er svært likt med fhs. året

· Vi er no klar for det store ”kick-off`et” til ekspedisjonen. Dette er første gongen reisefølgjet samlast.

· Personale og elevar er klar.

· Nokon er her berre for å sjå oss vel av garde

Alle større ekspedisjonar vert nøye planlagt

· Når de no er klar til å gå i gang er det mykje som ligg klart, mykje planlegging har vore gjort.

· Godt prøvd konsept, mange har gjort det før dåkke.

· Her ligg faktisk over 100 års erfaring.

Ekspedisjonen består av:

· Først og fremst; dåkke elevar, det er difor denne ekspedisjonen går av stabelen.

· Lærarar med sterke faglige og sosiale kvalifikasjonar, nokon har gjennomført ei lang rekkje slike ekspedisjonar andre er nye og ekstra spente.

· Vi har eigene kokkar av ypperste klasse, vaktmeistrar, ja til og med økonomileiar

· I tillegg har vi ein flott gjeng med nokon som nett har gjort turen; stipendiatar og miljøarbeidarar -> tilfører noko resten av personalet ikkje har føresetnad for.

Forventingar og føresetnader

· Å gjennomføre

· Finne seg sjølv, tumle litt meir med dei store spørsmåla.

· Stå berrføtt i sanden og slå lette fingerslag på Copacabana

· Få gode varige venskap

· Lære heftige danserytmar på eit collage i Tanzania

· Vandre i verdshistoria og ta bilder med heim frå pyramidane

· Våge å prøve nye ting, prøv grensene, kanskje forandre seg?

· Nokon vil opp på den minste nut, andre må ha litt hjelp i enkelte situasjonar.

Kva er målet for ekspedisjonen? Grunnreglane til Sunnfjord Folkehøgskule:

· Gjennom faglig breidde og tyngde gje allmenndanning….

· Legge til rette for personleg vekst og utvikling

· Utfordre til ansvar for eige liv, medmsk. og livsmiljø

· Formidle og utfordre til kristen tru og liv.

· Vise at alt vi ser rundt oss og er ein del av Guds storverk!

· Vi skal gje rom for at du undervegs får både tid, rom og høve til å møte dei kristne grunnverdiane og ein levande Gud.

Reisefølgjet

· Ofte kjenner vi dei vi skal reise saman med; alle her er ukjende.

· Det er spennande å sjå om vi fungerar godt i lag.

· Her krevst det vilje til at vi trekkjer i same retning

· Alle er ulike. Ulik bakgrunn, ulik kultur, ulike meiningar

· Frå heile landet. And especial welcome to our forein members, you make this to a international happening! We are very happy to have you here and you have come the long way from Kina, Japan, USA, Sri Lanka, Togo and Brazil to join us!

· Rett og slett eit spennande eksperiment!

Gjennom vinteren

· Faglige utfordringar, ny lærdom

· De vil oppdage nye sider ved dåkke sjølve

· Få store opplevingar

· Vi legg stor vekt på det vi kallar ”Sosialpedagogisk” Dvs. det vi lærer av å vere saman , leve saman, ta vare på kvarandre, ta ansvar, innordne oss m.m.

Når vi kjem i mål…

Etter ein ekspedisjon er det ofte mange kjensler

· Kan vere tomheit, er det flotte over?

· Stein P. Aasheim etter elvepadling…

· Vi vil oppleve at det var ikkje denne ekspedisjonen som var målet

· Kanskje det beste året i livet til no, men ikkje for resten….

· Kan vere starten og motivasjonen til resten av våre liv.

· Vi tek med det vi har opplevd, lært, erfart.

· Vi tek med venskap

· Folkehøgskuleåret skal vere ein knallstart på resten av livet dåkkar!

Alt ligg til rette for ein flott ”Topptur”

· At livet ditt rett og slett får ein topptur å ta med seg vidare.

Tilbakeblikk…

Noko med det fine ved ekspedisjonar er å kunne snu seg når ein er ferdig å tenkje:

” I have been there. I have don that!”

· For oss: ”Der har eg vore” Sunnfjord Folkehøgskule 2009-10 er kun vi!

· Eit viktig år som er med på å forme oss som menneske, for våre verdival.

· Sterke opplevingar og venskapsband

Fyre peisen når det klaker...

2009-08-16T17:41:00.003+01:00

Det heiter seg det i eit vers i sangen; "Jeg vil male dagen blå"

Jeg vil male dagen grønn,
dyp og kjølig flaskegrønn,
sette tente lys i staker,
glemme rynker, dobbelthaker,
fyre peisen når det klaker.
Jeg vil male dagen grønn.

Veit ikkje heit kva det betyr, men det må vel ha noko å gjere med ca slikt vær vi har no. Kan kanskje strekke meg til at det er koselig å tenne på peisen, men de hadde no ikkje vore nødvendig før nærmare oktober..

Varige verdiar

2009-08-15T13:23:00.008+01:00

Stod i dusjen i dag og måtte berre konstatere at den hardt tilkjempa brunfargen frå tre veker i Hellas nok ikkje held til skulestart. Tankane sildra vidare der eg stod, og det vart litt filosofering rundt omgrepet ; Varige verdiar. Den siste veka har bydd på eit flott bryllaup og to dagar med kick-off til nytt skuleår. Stein P. Aasheim medelte frå eit rikhaldig liv med alternative prioriteringar der naturen og familien har stått i sentrum. Pip Wilson gav gode innspel til å betre kommunikasjonen oss menneske mellom generelt, og med ungdom spesielt. Traff igjen Ingrid denne veka. Veninne få gymnastida. Tiåra utan kontakt virka som ikkjeeksistrande.
Det er ein del av det vi omgir oss med og brukar tid på som har lengre varigheit enn brunfargen frå nokre sommarveker...
Eg er glad det er hav av varige verdiar å ta med frå denne sommaren, og eg reknar med at sommarfesten hos naboen i kveld også vil ha meir varig verdi enn brunfargen…

Nothing else matters

2009-08-11T19:37:00.004+01:00

Med første betalte spelejobb stilte Mats, Simon og dei andre gutane i "Low battery" med frisk kordar på valkampopninga til Krf i dag. Det er nok ikkje alle liknande arrangement landet rundt Metallica pustar i gong haustens valinnspurt. Men "Nothing else matters" er jo nesten ein so god tittel at den bør brukast vidare i valkampen?

Med bestemor som ivrig tilhøyrar og Dagfinn Høybråten som sikra seg gutane sine autografar, vart dette ei vinn vinn hending. I partipogrammet til Krf heiter det: "Barn og unge har krav på å bli hørt..." Då skulle det vere innfridd.

Vi går for gull!

2009-08-04T17:50:00.014+01:00

Det vart sølv! Takk til alle som har vore hjelp og støtte på vegen, ikkje minst Antiparosgjengen. Men vi kvile ikkje på laurbæra, vi har bestemt oss; allereie onsdag startar gullkampen! Eit gamalt ordtak høver vel godt; Mykje vil ha meir!

For gale å lage songar som berre vert framført berre ein gong, så her kjem ein hyllest eg skrev til Torunn for nokre år sidan:

Ein flik av Torunn……………
(Mel.: Smak av honning)

1.Kjære Torunn, kjære gjester
Virkar som det er ein fest her?
Men eg ynskjer gje informasjon
Om kveldens hovudattraksjon
Det må bli med nokre glimt
Og kanskje eit og anna hint

4.august 1984

Etter nesten tjue år i same dobbeltseng

Så har vi jo erfaringar og å dele av i fleng

Som alle ville gje ein flik av Torunn
Men desse trur eg likevel vi vil ha for oss sjøl
Er andre interesserte får dei heller kom å spør
Eg tek heller fram ein annan bit av Torunn

2. Du har mange interesser
Men å sole seg er esset
Og når du får strekke ut din kropp
Så må husbonden sei stopp
til alle håpefulle små
som lagar lyd og trengjer på.

For her må det forklarast at det mamma driv med no
Er viktig for at heimen skal ha harmoni og ro
Ja det er meir enn tidsfordriv for Torunn
Gislefoss og andre som kan styre med vårt vær
Er viktigar` enn både terapaut og emisær
Ja sol er energi og giv for Torunn

3. Så eit lite vers om jobben
ofte merkast den på kroppen.
Liv og blod og død og dramatikk
Pasientar utan folkesikk
Av og til så blir du lei
Men det merkar ikkje dei.

Og heime må eg lese om i neste dags avis
Der delar av din arbeidsdag står gjengitt i notis
Og betre eg forstår ei sliten Torunn
Men etter nokre timar prat og kanskje eit glas vin
Så er vi klar til nye tak og formen den er fin.
Av og til er Øyvind bra for Torunn.

4. Ut på tur i inn og utland
Gjerne til ein plass med sandstrand
Kan`kje sjå at du får nok av det
Men vi er vel fleire om det
Fredrik, Frida, Mats og meg
Gler oss alt til nye steg.

Vi har nok funne oss eit lite paradis på jord
Der vi kan ladde batteri med mat og drikke god
Antiparos fekk ein flik av Torunn
For det er flott å kjenne når vi alle har det bra
Når Skule, SFO og AMK er kobla av
Og vi har rikelig med tid med Torunn

5. Kan du hugse første flørten
På gymnaset, du var nitten
Tenk at over halve livet ditt
Fekk konsekvens av min visitt
Og i åra som har gått
Har vi både gitt og fått

Utdanning og bleieskift og husbank kreve sitt
Ofte lite tid til eigne ting og deg og ditt
Men denne tid er snart forbi for Torunn
No vil vi ta tilbake litt av tida for oss sjøl
Kanskje på ein bar med god musikk og tsjekkisk øl
Eg gler med til den nye tid med Torunn

6. Som vi ser av denne festen
er det godt å vere gjesten
For din sans for estetikk og stil
Får fram glede, takk og smil
Så mi oppfordring er klar
Slå ut håret og ver gla`

Eg synst at kona mi fortener denne samankomst
der gjester ho set pris på utgjer kveldens hovudblomst
For også de er blitt ein bit av Torunn
Sjølv om eg kunne tenkt meg å ha vore natta ut
Så takkar eg for meg, men ikkje gløym at eg er gut
For eg vil også ha min bit av Torunn.

Na na na na na na na na
Ja også eg vil ha min bit av Torunn!

Heimefronten

2009-07-31T21:48:00.001+01:00

I dette været er det ikkje all verden heimebana har å by på, men inn i mellom byene har eg tusla rundt i hagen slått litt gras, klippt litt busker, lytta på iPoden, hatt Tuborgen midt i løypa og tenkt at det er ikkje så verst dette heller...

-- Sendt frå min iPhone :)

Kino frå rommet

2009-07-20T22:20:00.000+01:00

Siste overnattinga i Hellas varta opp med utekino, rett utanfor hotellrommet. Dermed var det berre å opne sloddane og ta inn den gresk-dubba amerikanske såpa

...

-- Sendt frå min iPhone

Kan det no vere nødvendig?

2009-07-18T12:08:00.006+01:00

Når ein har det so bra at ein mest ikkje trur det, er eit alternativ å klype seg i armen, eit anna er å springe Antiparos maraton i god varme....
Siste dagen på Antiparos var det stor ståhei med Antiparos-dagar. Sykkeløp, folkedans og maraton var mellom innslaga. Sidan eg framleis ikkje har på plass alle stega i folkedanse fall for freistinga til 10 km sveitte.
Men det er jo dette som set nytinga i perspektiv! Først å ta seg skikkelig ut, så middag på italiensk restaurant, og ein haug med tankar om kor heldig ein er som kan oppleve og vere i stand til dette....

Å sitte igjen...

2009-07-16T07:18:00.002+01:00

Det blir fort antiklimaks og tomt etter store hendingar. Og det kunne det i høgste grad blitt i sommar. Men når eg sit på stamtavernaen, legg beina i sofaen og tek fram boka, er det alt anna enn tommheit. Eg ser litt rundt meg: "Papagallos" vil for alltid ha ein spesiell plass med sterke minne, eg ser ned på gågata og tenkjer på dagar då kvar fjerde som gjekk forbi var ein kjenning, det vesle kapellet på åskammen der vi i nærmare førti grader stod som sild og sang "Velsignelsen", stranda der vi hadde ein forykande tvekamp med stor innsats under Frode si entusisatiske leiing. Det er faktisk godt å sitte igjen og la inntrykka sive godt inn før vi tek dei med heim.

50 til bords

2009-07-14T11:33:00.003+01:00

Ei hektisk veke på Antiparos nærmar seg slutten. Og vi sit att med draumar som vart overfylde. Å samle familie og vener til glede og fest er ein ting, men å oppleve å ha gjort det er ein heilt annan. Alle trur eg opplever å vere på sin ferie samtidig som vi har att nokre felles treffpunkt; velkomstprat ved bassengkanten, kveldssong i eit lite kapell, festkveld på ein hyggelig gresk restaurant, båttur og ”Antiparalympics”. Det heile ei stor påminning om at vi omgir oss med familie og vener som det rett og slett ikkje finns måleeining til å måle verdien av. Kanskje litt som å prøve å beskrive ein flott farge for ein som aldri har sett….

Tillit

2009-07-06T06:44:00.003+01:00

Det vart inga løysing på pengeknipa. Vi raka saman nok til båtbillettar men etter fem døgn for to familiar var det jo ei bra hotell rekning å betale. Vertinna kom med ein lapp med IBAN nummert på og sa "We trust you, don't worry be happy", og sa vi kunne betale når vi kjem heim. Merkar det er godt å bli møtt med tillit....

-- Sendt frå min iPhone :)

No money

2009-07-05T13:04:00.000+01:00

Det er tid for å reise vidare. Då er det å skaffe båtbillettar, gjere opp for overnatting nokre døgn, og legge av garde. Det er berre eit minus. På denne øya er det berre ein minibank, denne har vore ute av drift dei siste dagane. Ingen tar kredittkort verken hotellet eller billettkontoret, og dei siste euroane er i ferd med å forlate lommeboka. Med andre ord eit spennande døgn framføre. Kalispera!

-- Sendt frå min iPhone :)

I gang...

2009-07-01T11:12:00.000+01:00

Då er årets tur i det greske øyriket godt i gang. Først litt padling rundt og oppladning, så kjem vårt "Store fete greske sølvbryllup" med over 50 gjestar til bords.

-- Sendt frå min iPhone :)

Siste innspurt....

2009-06-27T20:02:00.004+01:00

Laurdag heiv eg meg med på "Storehesten opp" i ein siste innspurt før ferien, eit toppløp som i fjor var NM for toppløp. Eg likar jo ikkje å stadig bli minna om at dei fleste er betre enn meg, så eg stilte i mosjonsklassen. Når eg ser gjennom resultatlista for konkurranseklassen i kveld så hadde eg faktisk komt inn på resultatlistene til samtlige herreklassar 23 år og eldre, og då er eg meir enn nøgd.
Når ein trakkar i tyngste motbakken slike dagar tenkjer ein; aldri meir! Når ein får slappa av nokre timar tenker ein; om eg tek inn eit par minutt neste gong så kjem eg under to timar....

Stop or I`ll tweet!

2009-06-22T20:52:00.004+01:00

Eg er jo ein sterk ikkjevold tilhengar og kom over ei teikning som er mykjeseiande. (Fekk den via twitter...) Det som skjer i Iran blir formidla via mellom anna twitter som ikkje let seg stoppe av sensur. Dermed kan omverda få innblikk og reagere, også uten militær motstand...

Når brunsnigelen bleiknar

2009-06-21T23:21:00.003+01:00

Eit langt meir omfattande og djupgåande fenomen enn brunsnigelen er observert i heile nabolaget. Det et seg gjennom asfalt, kjem inn i dei fleste hagane og set igjen tydelege merke i all i framferd. Men ingen ropar "ulv" og overgår kvarandre i oppfinnsomheit for å finne utryddingsmetodar, nei dei er rett og slett kjøpt og betalt for å herje rundt. Seinast i dag hadde eg store problem med å kome over ei grøft på joggeturen.
Kva eg snakkar om? Nettselskapa si altomgripade utbygging av breiband. No er eg for så vidt ikkje spesielt konservativ med tanke på slike nyvinningar, men det slo meg ein tanke i dag; kva om teknologien har kome opp med noko nytt, trådlaust og krafigare allereie før asfalten har grodd etter denne vandalturnèen?

Spotify

2009-06-20T21:30:00.002+01:00

Siste ut av store ting på nett er Spotify. Dette er rett og slett eit lite program ein lastar ned gratis, og vips så kan du spele all musikk du berre kan ynskje deg på pc`en! Men dette er ein sak der ein ikkje lastar ned musikken eller kan kopiere den så ein er avhengig av å vere tilkopla eit nettverk. Det har vore litt styr med å få tak i Spotify sidan det har fungert slik at ein må ha ein ivitasjon for å få tilgang, men eg har funne ein liten omveg her . Prøv det og kjøp heller nokre bra høgtalarar til pc`en så har du alt!

Landingsplass

2009-06-19T20:52:00.003+01:00

I dag kom eg over ein fin artikkel i "Vårt Land" der Steinar Ekvik brukar bildet om å vere gode landingsplassar for kvarandre. Eg falt litt for dette bildet. Å vere "landingsplassar" der både familie, vener, og alle andre vi omgir oss med opplever som gode "landingsplassar" er absolutt noko å streve etter. Vi nærmar oss ferietid og mykje tid for den gode samtale og det gode samværet.
Ein som i min familie i alle fall har full tillit og ikkje har noko problem med å "gå inn for landing" er familiens Copper. Han møter oss i døra, blottlegg seg på rygg og ber om å bli klødd på magen. Hengjer seg fullstendig, og nyt det. Vi har kanskje noko å lære...

I lag med deg...

2009-06-13T12:22:00.005+01:00

Torunn vart spurd om å syngje ein song i bryllaupet til ein kollega. Det er jo både hyggelig og ærefullt å kunne gje eit slikt bidrag, og ekstra kjekt når ein får vere med som akkompagnatør! Det er flott å få vere med unge menneske sine viktige steg i livet, og godt å kunne sitte å tenkje at orda i teksten kunne eg faktisk ha skrive sjølv. Dei passar veldig godt inn ein slik dag, og dei passar inn i mitt liv:

"Når eg hev deg så kan eg klatre fjellet,
Når eg hev deg, då stilnar opprørt hav.
Og er blir glad, når du er ved mi side.
I lag med deg, kjem styrke til meg inn."

(Nynorsk versjon av "You rise me up")

Det er Norge som er bra....

2009-06-11T16:57:00.005+01:00

Kom over ei litt oppsiktsvekkande overskift i dag og kom til å tenkje på den gamle "Prima Vera" sangen;

"Det er Norge som er bra!"
Hurra for Norge, 17. mai og olje og alt det derre der. (Hei)
Hurra for Norge som gir til Sverige alt det de har fra før (Hei) Duttedatten, duttendatten.
Hurra for Norge som kjøper alt skrotet svenskene vil bli kvitt. (Hei)
Tra-la-la-la-la.... (Hei)
Det er Norge som er bra, det er vårt klima som er best. En forfrysning det er det vi lengter til når sommeren er som best.

2 x 6

2009-06-11T16:00:00.003+01:00

I dag tok vi turen for å sjå eksamensframsyningane i teater for Fredrik. Ein monolog og ei gruppeoppgåve som begge var blitt til i løpet av siste veka. Og vi lot oss begeistre saman med sensoren frå Fyllingsdalen teater. Han gav karakter 6 over heile linja. Vi kan berre gratulere Fredrik med flott gjennomført vidaregåande, til hausten vert det enno meir teater på Romerike folkehøgkule!

Det var verre

2009-06-07T15:00:00.003+01:00

I og med ny mobil er det også ny ordlistefunksjon. Denne fekk eg demonstrert tydelig gjennom ei lita sms-utveksling med Mats. Han føreslo å ta ein tidlegare buss heim igjen, og eg responderet på at dette tykte eg var betre enn den seine han først hadde føreslått. Men det er då den litt underlige nye ordlista kjem inn. Den fungerer slik at den heile tida føreslår ord. Om du ikkje kryssar ut at du ikkje vi bruke forslaget så er det det som vert valgt. Når eg så hadde skrive at eg tykte forslaget var "betre", vart meldinga at eg tykte det var "verre". Ja, ja kan no vere greit å ha telefonen å skulde på ein gong eg har tukla det skikkeleg til...

Når det piper i telefonen...

2009-06-06T10:53:00.006+01:00

Telefonbruken er kanskje av dei største endringane dei seinare åra. I fjor registrerte eg sjølv at i jordhyttene i Tanzania vart det SMS`a i stor stil, og her på heimebane har mobiltelefonar avløyst fasttelefonen. Etter nokre veker utprøving av omlegginga mi til iPhone merkar eg at det også her er snakk om ei heller stor endring. Eg er rett og slett so fornøgd at eg set opp ei liste :)

Stor trykkfølsom skjerm som fungerar overaskande godt å skrive på med min heller avgrensa touch-metode.
E-postkontoar både privat og jobb fungerar suveren både på mottak og sending.
Det er over 35000! program og applikasjonar å velgje til telefonen, mykje gratis. Alt frå yr.no og enkelskordbok til oppskriftsbok frå Gilde og hundefløyte.
Prøvde den på nettbank; kom opp med flott innloggingsside i dnb spesielt for iPhone.
Er ein fulltendig iPod
Google earth enno bete enn på pc, no endrar bildet seg etter vinkelen på tlf!
Wi-fi, som gjer at der det er trådlaust nett tilgjengelig er all nettbruk gratis.
Svært god synkronisering med iTunes på pc. Ikkje opplevd eit problem eller vanske.
Kjem med nytt operativsytem i juni med klipp & lim funksjon og MMS.
Blogging frå tlf. enket og greit.
Ladding enkelt med USB, og ulik alle andre i familien sin laddar!
GPS som fungerar bra men brukar så mykje straum at den nok fungerar best i bil.
Konklusjon: Min neste PC blir nok ein Mac....

Fylgjarar

2009-06-01T23:14:00.002+01:00

Det er berre å henge med; siste funksjon her på bloggen er å hukke av på "Følg" - knappen til høgre. Den som gjer det slepp å gå inn på bloggen med jamne eller ujamne mellomrom, alt nytt får ein melding om. Det som og er greit med denne nye funksjonen er at den som registrerar seg, og som har blogg, vil få denne vist om ein klikkar på biletet av vedkomande. Så vil du vere med så heng på....

To dagar kvalitetstid

2009-05-29T19:36:00.001+01:00

Oppdaga www.Bataldenhavbu.no Ei fantastisk perle heilt vest for Florø. Å sette av eit par dagar til avkobling i slike omgivelsar er rett og slett kvalitet, og det er ei påminning om at desse perlene ligg der ute, det er berre å dra på leit...

-- Post From My iPhone

Himmelfart

2009-05-24T12:51:00.003+01:00

Himmelfartshelga gjekk turen til Jotunheimen. Tre kameratar som hadde sett av ei helg til teltliv, god prat og ikkje minst fine skiturar. Værmeldinga trua med heller dårlige meldingar det var difor ekstra godt å oppleve at dette slo heilt feil. Torsdag kveld vart det tur til Store Dyrhugstind (2147 moh) Fredag fekk vi eit historisk hårete nedrenn frå Store Ringstind (2124 moh) og laurdag Storebjørn (2222 moh) Alt i sol og kortarma!

Konvertering

2009-05-14T22:41:00.002+01:00

Har gått meir eller mindre i heile vinter og tenkt tankar om å skifte telefon. Når eg i dag var i butikken for å synfare litt let eg meg rett og slett rive med. Før eg gjekk inn hadde eg ingen tankar om denne telefonen men innan ein god halvtime var SIM-kortet på plass og iPhone-feelingen (som han sa i butikken) kjendest i lomma. Enno er eg veldig nøgd, men eg synest eg høyrer dei som siterer skrifta: "Tilgje han for han veit ikkje kva han gjer..."

Å runde av...

2009-05-08T22:52:00.003+01:00

Å runde av eit folkehøgskuleår, slik vi har gjort i dag, er noko som eg trur aldri blir rutine. Det er og blir noko som rører ved ein. Tankar om kva dette skuleåret har gitt av retning , endring av haldningar og modning som menneske, surrar gjerne gjennom hovudet. Hadde med i avskilstalen til elevane eit sitat frå Kalhil Gibran der han seier noko om å vere ein boge som unge menneske vert skotne ut ifrå. Dette er eit flott bilde. Det er utfordrande å vere ein boge som vert spent passelig til kvar enkelt ”pil”, anten det gjeld som foreldre eller i arbeid med ungdom. Når pila har sleppt bogen er det å håpe på at ho får oppdrift og treff målet; det gode livet! Men det er ein annan som spenner bogen…

Prøvespeling

2009-05-07T18:19:00.004+01:00

For ei stund sidan fekk eg høve til å prøvespele til opptak på musikklinja ved Firda gymnas. Dette er jo noko eg aldri har gjort, sjølv om eg har gått der, så eg greip sjansen. Men rett skal vere rett eg var berre med som akkompagnatør til Frida. I dag kom brevet med resultatet, eg kom inn ikkje Frida :) he, he. Neidå, Frida fekk full poengsum, 15 av 15 oppnåelige, så då veit vi nok kor vi har ho dei neste tre åra. Gratulerer!

Sesongarbeid

2009-05-06T22:47:00.008+01:00

Då er sesongen i gong igjen kara; bunadsskjortestrykinga! Eg tek meg difor fridom til å repetere den sjølv oppretta teknikken eg øvde meg fram til i fjor, nemlig "Pragmatisk bunadsskjortestryking" Det går i enkeltheit ut på at vi sjølvsagt berre stryk det av skjorta som er synleg, og vips har vi minimert ufordring til å gjelde ca 20% av plagget. Dette går greit å kome over men kragen byr på ei lita utfordring. Har sett at damene fuskar litt og brukar noko stivelse på boks, så eg har saumfart skåpet men treng litt tips til kva det er for ein eg skal bruke? God sesong!

Tidsklemma

2009-04-29T19:33:00.004+01:00

Det er rett og slett så eg kjenner det i magen når eg ser flotte bilder frå skitur der eg var invitert med men måtte takke nei grunna andre forpliktingar. Når i tillegg vekene går og snøen brånar like fort som bjørka sprett, utan at ein kjem noko nevneverdig ut av kontoret, då er det rett og slett tidsklemme. Men tidsklemme er jo også ein vekkar i forhold til om ein brukar tida si på rett måte... Eg har booka inn nokre fridagar i mai med gode turkammeratar. Om været viser godside kan dette bli litt plaster og løsning av tidsklemma...
(Foto: Stig Torset, skulle gjerne tatt det sjøl...)

Imponert

2009-04-27T21:21:00.005+01:00

Det er ei annonse på facebook som dukkar opp rett som det er, og som eg ikkje kan anna enn la meg imponere av. Her skiltar dei med tusenvis av aktuelle kjærestar i Førde. Med det talet kan eg ikkje forstå anna enn at her må det ha vore gjort eit godt grasrotarbeid. Ei anna forklaring er at det er "Førde framover" som står bak. No er no eg i den heldige situasjonen at kjærasten allereie er sølvfarga...men tusenvis? då må ein rett og slett vere litt obs:)

This too shall pass

2009-04-26T15:34:00.008+01:00

Livet er ein del situasjonar som er utfordrande og kan virke vanskelige å sjå fram forbi. Nokon er veldig vanskelige andre litt lettare. Vi går mot avslutning av nok eit skuleår på folkehøgskulen, eit år som for dei fleste set varige spor og livsretning. Laurdag fekk vi presentert ei svært flott danseframsyning av danselinja, og det er ikkje vanskelig å sjå at det blir tungt å skiljast frå vener ein har hatt så mykje og intenst saman med. Men denne helga var det også gjensyn med 5 og 10 års jubilantar. Dei viste flott den andre sida, livet etter folkehøgskulen, det nye livet... Eg fekk spørsmål om eg vil spele til "This too shall pass" på avslutninga av to elevar. Etter å ha planka låten ser eg at her er det mykje visdom...

This too shall pass
Like every night that's come before it
He'll never give you more than you can bear
This too shall pass
So in this thought be comforted
It's in His Hands
This too shall pass

Påminning

2009-04-24T21:40:00.002+01:00

På ei nettavis eg les i går dukka desse to sakene opp ved sidan av kvarandre. Ei sterk påminning om at våre problemstillingar ofte er langt frå det andre opplever. Det var og ei påminning om å vere takknemleg for alt som vi tek for gitt, men som mange andre aldri vil kunne nå. Det vart og ei sterk påminning om at enkelte av våre problemstillingar lett kan gje ein litt flau smak...